Asembleas de Barrios e Vilas da Coruña | Palavea, Pedralonga e Santa Gema – Movemento 15M

Na actualidade xa gran parte das mulleres non soñamos con ser princesas nin raiñas; pero os nosos nenos aínda crecen escoitando historias do triunfo na conversión en príncipes e raiñas. Crecen escoitando contos que non representan a sua realidade, nin a realidade social na que vivimos, hoxe vimos nunha sociedade multicultural, caracterizada pola diversidade, que non é reflexada pola literatura infantil clásica. Esta literatura clásica que durante anos fomentou valores en decadencia que hoxe deberían estar mais ca caducos, como son a sumisión, o clasismo, a non expresión de sentimentos propiamente humanos : a inconformidade, os celos, o enfado…e que non aluden a normalización da homosexualidadee, á integración das persoas con discapacidades ou de etnias minoritarias, e seguese a mostrar imaxes da muller supeditada o home, ¡E vai sendo hora de que esto cambie! Accede o texto completo no seguinte enlace Guía sobre literatura infantil – Rede de Pais e Nais

Se queres consultar o resumo de títulos, coas temáticas que tratan e as idades recomendadas, podes consultalo nesta páxina: Pincha aquí

Ou ven descargalo no seguinte enlace: Pincha aquí para obter a táboa en formato PDF

Estamos recollendo roupa, calzado, roupa de cama, xoguetes e aveños para o bebé en bo estado de cara a facerllos chegar aqueaes persoas que as que lle poidan resultar útiles. O obxectivo é que toda esa roupa, calzado, xoguetes,… en bo estado que quedan olvidados nos trasteiros tras uns meses de uso, cando os rapaces xa non os poden utilizar, poidan ser reutilizados. Se precisas ou che poden resultar utiles algún dos elmentos da listaxe que podes ver a continuación, ponte en contacto con nos. Da mesma forma, ofreceremos o material no marco de algunha das xornadas de troco que se realizan na cidade de A Coruña.

Nestes momentos dispoñemos de:

• 1 Autoplay 15-25Kg (Cadeira para o coche)
• Un par de botas de inverno talla 26.
• Un par de zapatillas de deporte talla 19.
• Un xogo de edredón, almofada, chichonera e cojín para cuna.
• 6 xogos de sábanas completos.
• 11 protectores
• Algúns xoquetes
• Roupa para nenos de ata 9 meses
  • 3 cazadoras
  • 3 pixamas
  • 1 xersei
  • 10 bodys
  • 2 camisetas
  • 17 pares de calcetíns
  • 7 cinturóns

A asemblea de Palavea, Pedralonga e Santa Gema esta difundindo un panfleto con información resumida sobre as opcións de voto que hai no sistema electoral español e os seus efectos mais directos. O contido de dito panfleto e o seguinte:

VOTO A UN PARTIDO: Se o partido recibe mais do 3% do total de votos válidos, pode optar o reparto de escanos. Imos pagar entre tod@s: por cada escano que consigan 21.167,64€, por cada voto as súas candidaturas 0,81€ e, para financiar o envío de propaganda electoral, 0,22€ por elector. Isto supón un incremento respecto o que se pagou nos comicios do 2008.

VOTO EN BRANCO: Sobre sen papeleta ou cunha papeleta en branco. Contabilízase como voto válido. Inflúe no limiar do 3% para poder optar o reparto de escanos, o efecto mais directo do voto en branco é prexudicar os partidos minoritarios, potenciando o bipartidismo.

VOTO NULO: Sobre con varias papeletas, con papeletas rotas, pintadas,… Non se contabiliza como voto válido co cal non incrementa o límite do 3% para optar o reparto de escanos. Non prexudica os partidos minoritarios e mostra o descontento co funcionamento do sistema.

ABSTENCIÓN: Nesta opción inclúense os que por diversos motivos non van a votar. Favorece ao bipartidismo.

Xuntámonos os Martes, as 20:00, no Centro Social Ocupado situado no antigo edificio do Monasterio das Oblatas, en Santa Gema. Atópase o comezo do Portazgo, saindo de A Coruña, moi preto do centro comercial Alcampo. Accédese dende a nacional N-550, por unha cancela verde co número 31.

Se queres poñerte en contacto con nos podes utilizar o seguinte enderezo: palavea@15m-acoruna.com

A asemblea popular de Palavea, Pedralonga e Santa Gema ven de entregar no concello de A Coruña, con data 29 de Setembro do 20011, un documento no que se recollen as que son, na nosa opinión, as carencias mais sangrantes dos nosos barrios.

Podes acceder o documento completo pinchando aquí

O documento abrangue os seguintes puntos:

• Saúde
• Ensino público
• Servizos sociais
• Efectos do urbanismo descontrolado
• Transporte público
• Medio ambiente

Fanse referencias a acordos do pleno do concello e promesas electorais incumpridas. Inclúe un anexo no que se documentan de forma fotográfica unha parte das reclamacións.

O próximo 26 de setembro (luns) na Praza de Pontevedra da Coruña, frente aos emblemáticos I.E.S. “Eusebio da Guarda” e o C.E.I.P. “Eusebio da Guarda” -os dos centros escolares máis antigos da cidade- celebrarase ás 19:30 unha charla-concentración “En defensa do ensino público, en contra dos recortes e por un ensino de cualidade”, na que participarán profesoras profesores de primaria e de secundaria, nais, pais e alumnado da Coruña e Comarca.

Informarase en detalle sobre a gravísima política de recortes que afectan a todo o ensino público e que diminuirán de certo a cualidade da educación que reciben os nosos fillos nos colexios e institutos. Despois da charla desenvolverase unha sesión de micro aberto, na que poderá participar calquera cidadán ou cidadá que o desexe.

Coa charla preténdese contrarrestar a campaña de intoxicación mediática e de desprestixio que desde a Consellaría de Educación se está realizando contra o profesorado do ensino público, agora que se está a mobilizar pola defensa dos seus dereitos laborais e do seu labor docente, e tamén contra todo o sistema público de ensino, que tantas décadas de esforzos e loitas revindicativas costou conseguir. A Xunta quere ocultar os seus recortes, desviando a atención dos cidadáns, e intenta xustificar o inxustificábel, contribuíndo a desmontar un dos alicerces básicos do Estado de benestar, apoiando a conversión paulatina do servizo público esencial da educación en negocio lucrativo para empresas privadas e ordes católicas.